પ્રો. વી.બી શાહ ઇન્સ્ટિટયૂટ ઓફ મેનેજમેન્ટ, આર. વી. પટેલ કોલેજ ઓફ કોમર્સ (અંગ્રેજી માધ્યમ), વી. એલ. શાહ કોલેજ ઓફ કોમર્સ (ગુજરાતી માધ્યમ), સુટેક્ષ બેંક કોલેજ ઓફ કોમ્પ્યુટર એપ્લિકેશન્સ એન્ડ સાયન્સ, અમરોલી દ્વારા ૭ સપ્ટેમ્બર ના રોજ ગણેશ ચતુર્થી નિમિત્તે કોલેજ કેમ્પસમાં ગણેશજીનું આગમન થયું હતું જેમાં મોટી સંખ્યામાં વિદ્યાર્થી ભાઈઓ અને બહેનોએ ભાગ લઇ વાતાવરણ ને ભક્તિમય બનાવી દીધું હતું અને સેલિબ્રેશન કરવામાં આવ્યું હતું. કોલેજના આચાર્ય ડૉ .મુકેશ આર. ગોયાણી, સ્ટાફના સભ્યો અને વિદ્યાર્થીઓએ સમૂહ આરતી ઉતારી ગણપતિજીના આશીર્વાદ મેળવ્યા હતા. ગણેશ ઉત્સવના ભાગરૂપે દુંદાળા દેવ માટે છપ્પનભોગ અને કથા નું આયોજન પણ કરવામાં આવ્યું હતું. કાર્યક્રમ નું આયોજન કોલેજના આચાર્ય ડૉ .મુકેશ આર. ગોયાણીના માર્ગદર્શન હેઠળ કલ્ચરલ કમિટીના સદસ્યોએ સફળતાપૂર્વક કર્યું હતું.